انا نجلاء جبلي عمري 17 يمنيه مقيمه في تونس عندي 13عام انا بش نحكي عن تجربتي كيافعة في زمن الكورونا كيفاش كانت قبل أزمة الكورونا والحجر الصحي كنت دائما أقول اني بنت الدار لا نخرج ولا ندخل برشا ولا عندي برشا صحاب من الدار للمعهد ومن المعهد للدار نمارس شويا رياضه ونشارك مع جمعية ado+ هذا روتيني متاع كل يوم وهذي حياتي لكن الحجر الصحي والحصره في الدار ورتني العكس اني كان عندي روتين متنوع وحر وحياة مفعمة بالرفاهية و الحرية فانا في بداية الحجر الصحي مكنتش مخنوقه ولا حسيت بالحصره مثل الناس الكل اما بعد مدة بديت نفد لاني كنت الي نرقد عليه نقوم عليه اكل ونوم وتلفون ومبعد قررت نبدا نعمل حاجات تصلح بديت نعاون ماما في خدمه الدار طيبت غسلت الماعون والحواج عاونت في مسؤولية اختي الصغيره ملول كنت مستمتعة خاترني نعمل حاجه جديده لولا الحجر الصحي عمري مكنت بش نعملها في حياتي اما هذي كانت فترة ومبعد بديت نفد من الخدمه في الدار وتقللت من تكرار نفس الروتين الممل وكل يوم نفد اكثر فقررت نعمل حاجه مفيدة اما مش في الدار
ققررت نثقف روحي عدلت روتيني وبديت نقرا كتب في مجلات مختلفة مثل كتب أدبية وعلميه وثقافيه ودينيه تعرفت على الديانات الأخرى قريت شويا من الانجيل والتوراة وهذا بحد ذاتوا بالنسبه ليا انجاز لأني مكنتش نتصور نقرا كل هذي الكتب بديت نرسم وعرفت اني نعرف نرسم وزادا كتبت شعر وخليت خويا يعلمني نعزف على الجيتار وكملت نتعلم عليه وحدي من اليوتيوب و دخلت لليوتيوب اما معملتش بحث عن مسلسل ولا عن غناية بحثت عن فن الإتكيت الي كنت ديما نحب نتوسع فيه اما منلقاش وقت مع القراية تعرفت على لغة جديدة اسمها لغة الجسد الي هيا حاجه مهمه بش تعرف شخصية الشخص الي قدامك وشاركت مع جمعية ado+في اكادميه التثقيف السياسي لليافعين واليافعات الي كانت بدايتها عبر الانترنت .
اما مننكرش اني ادمنت التلفون والمسلسلات و مواقع التواصل الاجتماعي وغيرها الي ادمن عليها معظم الأطفال واليافعين واليافعات وحتى الشباب
اما الان الحمدلله عدنا لحياتنا الطبيعية وهذا ميخلينيش نتجاهل التغير الي صار في هذي الفترة مزلت نقرى كتب وحاليا نقرا كتاب المرأة بين القران وواقع المسلمين (للشيخ راشد الغنوشي) ومزلت نرسم ورسمت لوحات كبار وانشاء الله بش نرسم في معهد موسيقى بش نواصل نعزف على الجيتار وتوسعت في فن الاتكيت ولغة الجسد وانشاء الله نكمل في هذا النسق الجميل وننصح كل اليافعين واليافعات بقراية الكتب واكشاف المواهب ونحب نقلهم انوا الانترنات واليوتيوب ينجم ينفعنا مش يضرنا برك استعملوا هذي التكنلوجيا الحديثة في تنميه قدراتكم وفي توسيع مهاراتكم مش في حاجات مضرتكم …
وشكرا ADO+على منحي فرصة مشاركة قصتي معكم
نجلاء الجبلي