ليوم نحب نحكيلكم على تجربة عملتها مع جمعية اليافع(ة) والي كانت من أثمن التجارب الي عشتهم في حياتي.
شاركت في مشروع أكاديمية اليافعين واليافعات للتثقيف السياسي في نسختها الرابع و كان من بين الأنشطة أننا زرنا المجمع البيئي للتنمية المستديمة GDA Sidi Amor وهي بلاصة ياسر فيها ثراء طبيعي , بلاصة ياسر تثمن وتعطي حق للطبيعة.
علمونا نحبو الطبيعة.. تعلمنا الي النبتة تسيب قوى سحرية تنجم تصنع منها الدواء والماكياج وغيرو..
أكثر حاجة قعدت في مخي الي الأشجار الي تحرقو قعدو واقفين..تحس الشجرة تقلك ” صحيح أنا تحرقت أما أنا مازلت واقفة..شوف محلاني..”
حتى مالشجرة المحروقة تفيدك برشا وكيف تجي تصور لوحة تلقى أشجار مختلفة..
الطبيعة تخمم في الانسان حتى وهي مايتة..هذاكا علاش ” La nature est la source de bonheur”
الاء العبيدي
Noter cet article!
644 Vues