إسمي آلاء العبيدي عمري 15 سنة من تونس نقرى في معهد المنزه 6 ونحب نحكيلكم على تجربتي مع الموسيقى.
تعنيلي الموسيقى حاجة مهمة في حياتي كيما لهوى الي نتنفسو،حاجة ياسر نرتاح كي نعملها،و كي نغني و إلا نعزف نولي في قمة السعادة.
وقت لي وصل عمري 10 سنين بديت نكتشف إلي الموسيقى حاجة ياسر محلاها و تخليك تعبر على المشاعر متاعك. و من وقتها بديت نحكي مع عايلتي بش تقيدني في الconcervatoire وكل يوم يقولولي أتو نقيدوك حتى تعداو 3سنين و أنا كل يوم يزيد غرامي و حبي في الموسيقى.
قيدوني و من وقتها و أنا قولش عليا في سباق نتدرب كل يوم نص ساعة قبل منرقد على الviolon بش نجم نقدم لين ولات كالدواء نص ساعة قبل لفطور. تخيلو في ظرف أقل من عام كملت volume 1 الكتاب لول إلي مستحيل كنت نجم نكملو في المدة هذي.
أنا توا فرحانة برشا لي أنا قاعدة نقدم في الحاجة لي نحبها . ننصح أصدقائي لكل و نشجعهم كان عندهم هواية يحبوها يكملو فيها على خاتر مدامك تحب الحاجة هذيكا تنجح فيها.
آلاء العبيدي عمري 15 سنة